Rusiyanın işğalı altında olan Krım yarımadasında Starokrımski hərbi poliqonunda güclü partlayışlar baş verib.

Axar.az xəbər verir ki. bu barədə məlumatı Krımın “rəhbəri” Sergey Aksyonov təsdiqləyib.

O bildirib ki, yanğının söndürülməsi üçün operativ qərargah qurulub. Yanğına görə Tavirida magistralında hərəkət məhdudlaşdırılıb.

Aksyonovun sözlərinə görə, Kirov rayonunda yerləşən poliqonun yaxınlığında yerləşən 4 yaşayış məntəqəsindən 2 mindən çox sakinin təxliyə edilməsi planlaşdırılır.

Qeyd edilir ki, Krım körpüsü və dəmiryol adi rejimdə çalışır və yanğın onların fəaliyyətinə təsir etməyib.

Partlayış və yanğının səbəbi açıqlanmır.