Axar.az
Yuxarı

Rusiya milyardları mediaya niyə xərcləyir? - Ekspert

Ana səhifə Planet
12 Punto 14 Punto 16 Punto 18 Punto

Rusiyanın uğur qazanmasının arxasında dayanan başlıca amil milyardlarla dollarlıq təbliğatdır.

Bu sözləri Axar.az-a açıqlamasında politoloq Qabil Hüseynli deyib. Sabiq dövlət müşavirinə görə, Kremlin təbliğat maşınının fəaliyyəti faşizm dövründəki Göbbels təbliğatını xatırlatdır:

"Jozef Göbbels deyirdi ki, yalanı bir neçə dəfə təkrarlananda insanların beynində həqiqətə çevrilir. Çox böyük vəsaitlərin ayrıldığı Kreml təbliğatının arxasındakı baş fiqur bəllidir. Rusiyada qara piar təbliğatı hazırda çox sürətlə inkişaf edir. Üstəlik, təbliğatın səmərəliliyini artıran başlıca amil ölkədə alternativ fikrin ifadəsi ilə məşğul olan KİV-lərin yox səviyyəsində olmasıdır. Ən əsası isə Kremlin təbliğatı bir istiqamətdə aparılır: piar formasında. O da maraqlıdır ki, belə bir güclü təbliğat maşınına alternativ qeyri-mümkündür. Rusiya təbliğat vasitələrinin sırf Moskvanın maraqlarına xidmət etdiyi heç kəsə sirr deyil. Sözügedən təbliğat təkcə şəxsi maraqlara deyil, bir çox siyasi və məqsədli dövlət maraqlarına hesablanıb".

Politoloq hesab edir ki, "Rossian Tudey" kimi KİV-lərin köməyi ilə aparılan təbliğat birmənalı şəkildə Rusiyanın imperialist maraqlarına hesablanıb:

"Birincisi, Rusiya postsovet ölkələrini öz təsirinə qaytarmaq istəyir. İkincisi, başqa ölkələrdə də hərbi bazaların artırılması Kreml üçün çox vacibdir. Üçüncü və bir nömrəli məqsəd başqa adlar altında bəşəriyyəti Amerikanın birqütblü dünyasının zərərinə inandırmaqdır. Ancaq bu ideoloji təbliğat Qərbə Rusiyanın sandığı kimi dağıdıcı təsir göstərə bilməz. Kremlin təbliğat maşını o yerlərdə təsirli olur ki, həmin ölkələrdə plüralizm, fikir müxtəlifliyi var. İnkişaf etmiş liberal cəmiyyətlərdən fərqli olaraq avtoritar cəmiyyətlərdə fikirlərin üzərinə qoyulan vəzifələr tamamilə fərqlidir. Putin hazırda bu sahədə birinciliyini əldə saxlayır. İnanmıram ki, bu oyun dünya balansını pozsun. Bu təbliğat məqsədli maraqlardan savayı, çar monarxiyasının bərpasına da xidmət edir. Kreml təbliğat maşınını çoxdan işə salıb. Çox güman ki, üçüncü dünya ölkələrinin mümkün qədər öz təsirində saxlamağa çalışan Rusiyanın bu oyunundan iqtisadiyyatı zəif Afrika, bəzi Asiya, Mərkəzi və Latın Amerikası ölkələri təsirlənə bilər. Ancaq mən Putin təbliğatının bütün dünyada uğur qazandığı qənaətində deyiləm".

Qeyd edək ki, bir müddət öncə "Vaşinqton Post" qəzeti ABŞ-ın anti-Amerika materiallarının yayılmasının qarşısını almaq üçün yeni qanun hazırladığını yazıb. Qəzet bunun hazırda "Rossian Tudey" kimi KİV-lərin köməyi ilə Moskvanın Mərkəzi və Şərqi Avropa, Yaxın Şərq və Latın Amerikasına qarşı informasiya hücumu həyata keçirməsini önləmək məqsədi daşıdığını qeyd edib.

İddialara görə, Rusiyanın təbliğatını aparan media qurumlarına ayrılan milyardlar sayəsində Kreml istədiyi piarı həyata keçirməyi bacarır.

Xatırladaq ki, Rusiya hər il təkcə xarici ölkələrdə təbliğatının aparılması üçün nəzarətində olan mediaya 1,4 milyard dollar ayırır.

Tarix
2016.01.01 / 10:13
Müəllif
Aygün Yusibova
Şərhlər
Memorial Zefer
Digər xəbərlər

Türkiyə sərhədində “terror dövləti” layihəsi - Başbuğ

Qəzzafinin ailəsi ilə bağlı yeni qərar verildi

Əgər biz meydanı boş buraxsaq... - Soylu

Türk ordusu İraqda şəhid verdi

Almaniya MN rəsmisi dövlət sirlərini açıqladı

Rus ordusu bu şəhəri raket atəşinə tutdu

İranda bir günlük matəm elan edildi

Bu, hüquqlarımızın açıq şəkildə pozulmasıdır - Zaxarova

Mariupol savaşında 6 min rus hərbçisi öldürülüb

Rus ordusu bu şəhəri tamamilə işğal etdi

KULT
<>
Xəbər xətti
Axar.az'da reklam Bağla
Reklam
Bize yazin Bağla