İraq ordusu Ənbar vilayətinin Fəllucə şəhərini İŞİD-dən geri almağı hədəfləyir.

Axar.az xəbər verir ki, bu barədə Ənbar vilayət məclisinin təhlükəsizlik komitəsinin üzvü Barakat Raci İsavi deyib.

"Təhlükəsizlik qüvvələri Ramadi ilə Fəllucəni birləşdirən Cəzirətül Halidiyyəni əl keçirsə və mərkəzi hökumət bu məsələdə səmimi davransa, sözügedən ərazi 10-15 gün ərzində İŞİD-dən geri alınar", - İsavi bildirib.

O, bir neçə gün öncə İŞİD-dən azad edilən Ramadi şəhərinin xarabalığa çevrildiyini açıqlayıb.

Qeyd edək ki, Fəllucə şəhəri Ramadi ilə Bağdad arasında yerləşir və strateji önəmə malikdir.