Qazaxıstan parlamenti özünün buraxılması üçün Prezident Nursultan Nazarbayevə müraciət edib.

Axar.az xəbər verir ki, bu barədə informasiyanı Qazaxıstan mətbuatı yayıb. Parlament Nazarbayevdən dərhal yeni parlament seçkilərinin keçirilməsini tələb edib. Müraciətin ölkə iqtisadiyyatında son günlər yaranmış çətin situasiya ilə bağlı olduğu bildirilib. Aşağı palatanın bütün deputatları təklifi dəstəkləyiblər.

Qeyd edək ki, bir müddət öncə Qazaxıstan təngəsi yenidən devalvasiyaya məruz qalıb. O, tarixi minimuma enib.

Bundan başqa, Qazaxıstan dövlət obyektlərinin 65%-nin özəlləşdirilməsi haqqında qərar qəbul edib.