Kommunist və sosialist düşüncələr hələ də xoşuma gəlir.

Axar.az xəbər verir ki, bu sözləri Rusiya Prezidenti Vladimir Putin Ümumrusiya Xalq Cəbhəsindəki çıxışı zamanı deyib.

"Bildiyiniz kimi, 20 milyondan çox Sovet vətəndaşı kimi mən də SSRİ Kommunist Partiyasının üzvüydüm. Sadəcə üzv olmaqla kifayətlənmədim. Həm də SSRİ Dövlət Təhlükəsizlik Komitəsinin də əməkdaşı olaraq 20 il qulluq etdim", - Putin bildirib.

Putin ideal bir kommunist olmadığını da vurğulayıb:

"Kommunist və sosialist düşüncələr hələ də xoşuma gəlir. Əgər kommunizmin qanunlarına baxsaq, bu bizə İncili xatırladar. Zarafat etmirəm. Bu İncildən götürülüb. Bu qanunlarda bərabərlik, qardaşlıq və xoşbəxtlik kimi gözəl düşüncələr yer alır".