Rusiya Beynəlxalq Valyuta Fondunun (BVF) kvota islahatlarından sonra ən böyük paya sahib olan 10 ölkə sırasına daxil olub.

Axar.az xəbər verir ki, qurumun rəsmi saytında verilən məlumata görə, şimal qonşumuzdan başqa fondun sərmayəsində ən böyük paya sahib olan ölkələr arasında Braziliya, Çin və Hindistan da var.

BVF-nun ən böyük sərmayəçisi ABŞ-dır. İkinci yerdə Yaponiya, üçüncüdə isə Fransa yer alır.

Fondun direktoru Kristin Laqard aparılan islahatların üzv ölkələrin ehtiyaclarını daha yaxşı qarşılayacağını deyib.

"İslahatlar inkişaf etməkdə olan ölkələrin rolunun artdığı fondun inzibati quruluşunu əks etdirmə mövzusunda böyük bir addım xüsusiyyəti daşıyır", - Laqard qeyd edib.

Digər tərəfdən islahatlardan sonra Çinin səs nisbəti və kvota payı 3,8 %-dən 6 %-ə yüksəlib. Beləcə Çin 16,74 % kvota payına sahib ABŞ və 6,23 % kvota payına sahib Yaponiyadan sonra üçüncü sıraya yüksəlib.