Suriyada fəaliyyət göstərən və Bəşər Əsədə qarşı vuruşan əsas silahlı qruplaşmalardan olan Əhrar əş-Şam qruplaşması Türkiyənin paytaxtı Ankarada baş verən terror aktında həlak olan şəxslərin ailələrinə başsağlığı verib.

Axar.az xəbər verir ki, Taymtürk saytına istinadən xəbər verir ki, qruplaşma bu terror aktını şiddətlə qınayıb.

"Rəhman və rəhim olan Allahın adı ilə!

Əhrar əş-Şam İslam Hərəkatı paytaxt Ankarada baş verən terror aktında həlak olanların ailələrinə başsağlığı verir. Allahdan qonşu ölkəmiz Türkiyəni qorumasını istəyirik. Bu gün hədəfdə güclü olan Türkiyədir. Dünyada məzlumların haqqını müdafiə edən, gözəl torpaqlarımızda (Suriya nəzərdə tutulur) xalqımıza yardım edən Türkiyə hədəfə alınıb. Bu terroru şiddətlə qınayırıq. Biz Türkiyə xalqının və hökumətinin yanındayıq. Suriya və Türkiyə xalqları qardaşdır", - başsağlığı mesajında deyilib.