PKK terror təşkilatı Türkiyə rəhbərliyinin də daxil olduğu 6 nəfər barəsində ölüm əmri verib.

Axar.az "Sözcü" qəzetinə istinadən xəbər verir ki, bu fakt təhlükəsizlik orqanlarının PKK-nın Qəndildəki rəhbərliyi ilə Türkiyədəki terrorçular arasında rabitə danışıqlarını dinləməsi nəticəsində ortaya çıxıb.

Hüquq mühafizə orqanlarının Ankara və İstanbul şəhərlərinin rəhbərliyinə göndərdiyi məktubda PKK-nın Baş nazirin köməkçisi Numan Qurtulmuş, Müdafiə naziri İsmət Yılmaz, CHP-dən millət vəkili Gürsəl Təkin, Strateji Düşüncə İnstitutunun koordinatoru Məhməd Şahin, "Fox" kanalının aparıcısı Fatih Portağal və Flaş TV-nin aparıcısı Gökhan Daşqına sui-qəsd planladığı bildirilib.

Bundan əlavə, PKK-nın Prezident sarayı ilə Rəcəb Tayyib Ərdoğanın İstanbuldakı ofisinə təxribat hazırladığı da qeyd edilib.

Hazırda Prezident sarayı və Ərdoğanın ofisində təhlükəsizlik tədbirləri gücləndirilib.