Moskva polisi 28 yaşlı yerli sakini təkrarən saxlamağa məcbur olub. Bu dəfə moskvalı gənc 16 yaşlı Azərbaycan vətəndaşına qılıncla zərbə endirib.

Virtualaz.org xəbər verir ki, martın 30-da polis bölməsinin növbətçi hissəsinə 46 yaşlı Azərbaycan vətəndaşı müraciət edib. Ərizəçi bildirib ki, Otradnaya küçəsindəki ərzaq mağazasının yaxınlığında naməlum şəxs qılıncla onun 11-ci sinif şagirdi olan oğluna zərbə endirib. Nəticədə, yeniyetmənin əli və barmaqları kəsilib.

Saxlanılan şəxsə qarşı cinayət işi qaldırılıb və o, məhkəməyə qədər dövrdə ölkədən kənara çıxışına qadağa qoyulmaqla azad olunub.

Qeyd olunur ki, martın 29-da saxlanılan şəxsə qarşı daha bir cinayət işi qaldırılıb. Həmin gün o, yeniyetmənin atasına – 46 yaşlı azərbaycanlıya qılıncla hücum etmişdi.