İran Rusiyaya 120 km mənzilli yüzlərlə ballistik raket verməyə hazırlaşır.

Axar.az xəbər verir ki, bu barədə "Röyters" agentliyi Avropa kəşfiyyatındakı mənbələrə istinadən məlumat yayıb.

Nəşr qeyd edir ki, onlarla rus hərbçisi hazırda İranda "Fəth-360" ballistik raket sistemindən istifadə etmək üçün təlim keçir. Ukraynadakı müharibə üçün yüzlərlə peyklə idarə olunan silahın Rusiyaya tezliklə çatdırılması nəzərdə tutulur.

“Rusiya Müdafiə Nazirliyinin nümayəndələri ötən il dekabrın 13-də Tehranda İran rəsmiləri ilə İranın dövlət aerokosmik sənaye təşkilatı tərəfindən yaradılmış “Fəth-360” və digər ballistik raket sistemi üçün müqavilə imzalayıblar”, - nəşr yazıb.