İsrail ordusu Hizbullaha qarşı təhlükəsizlik zonası yaratmaq üçün Livanın cənubunu işğal etməlidir.

Axar.az xəbər verir ki, bu sözləri “Maariv” qəzetinə müsahibəsində İsrailin “Likud” partiyasının üzvü Ariel Kallner deyib.

Koalisiyadan olan deputat fraksiya lideri, İsrailin Baş naziri Benyamin Netanyahunun rəhbərlik etdiyi hökuməti Livan torpaqlarını sərhəddən Litani çayına qədər zəbt etməklə şimal sərhədindəki gərginliyi həll etməyə çağırıb:

"Bizim reallığımız artıq olduğu kimi qala bilməz. Yeganə qaçılmaz nəticə ondan ibarətdir ki, şimalda indiki sərhəd qeyri-sabitdir".

Onun sözlərinə görə, İsraillə Livan arasında mövcud sərhəd hökumətin İsrailin şimal sakinlərinin təhlükəsizliyini təmin etmək imkanlarını məhdudlaşdırır:

"Ya Litani çayına nəzarət etməklə təhlükəsizlik zonası yaradaq, ya da İsrailin şimalında həyat artıq davam edə bilməz".