Son iki il ərzində Ukrayna Prezidenti Pyotr Poroşenko söz verdiyi islahatları keçirmədi.

Axar.az RİA-ya istinadən xəbər verir ki, bu barədə Kristian Sayəns Monitor nəşri məlumat yayıb.

"Poroşenkonun sözünü yerinə yetirməməsi Ukrayna cəmiyyəti daxilində məyusluğa səbəb olub. Əhali arasında yorğunluq var. Əgər bu vəziyyət yaxın vaxtlarda dəyişməyəcəksə, beynəlxalq maliyyə yardımı Kiyevə daxil olmayacaq. Beynəlxalq Valyuta Fondu Ukraynanı maliyyə cəhətdən saxlamalıdır, ancaq görünən budur ki, ən yaxın illərdə Kiyevə maliyyə yardımı edilməyəcək. Parlament seçkilərindən öncə Ukraynanı bu durumdan çıxarmaq olardı, ancaq Poroşenko hakimiyyəti davam etdi. Əgər Poroşenko səlahiyyətlərini dayandırsa, ölkə böhrandan çıxa bilər," - nəşr qeyd edib.