Rusiyanın Avrasiya İqtisadi İttifaqındakı tərəfdaşları - Qazaxıstan, Qırğızıstan və Ermənistan müharibənin davam etdiyi il yarım ərzində AB-dən idxalı 5,8 milyard dollar artırıb. Eyni zamanda, Aİİ ölkələrindən Rusiyaya ixrac 6,3 milyard dollar artıb.

Axar.az xəbər verir ki, bu barədə “Moskva Tayms” məlumat yayıb.

“2021-ci ildə Aİİ ölkələrinin AB-dən idxalı təxminən 7,1 milyard dollar təşkil edib, 2023-cü ildə bu rəqəm 45% artaraq 13 milyard dollara çatıb. Eyni zamanda, 2021-ci ildə Aİİ ölkələrinin (Belarus istisna olmaqla, o da sanksiyalar altındadır) Rusiyaya ixracı 2023-cü ildə təxminən 43% artaraq 14,5 milyard dollar təşkil edib. Faiz ifadəsində AB ölkələrindən Ermənistana idxal ən çox (49%) artıb. 2021-ci ildə təxminən 931 milyon dollar, 2023-cü ildə 1,8 milyard dollar dəyərində mal idxal edilib. Qazaxıstanın Avropadan idxalı müharibədən əvvəlki ildə 5,9 milyard dollara çatıb, keçən il bu rəqəm 42,2% artaraq 10,3 milyard dollar təşkil edib. Qırğızıstanın AB ölkələrindən idxalı 2021-ci ildə cəmi 295 milyon dollar təşkil edib, 2023-cü ildə isə 70% artaraq 964 milyon dollara yaxın olub. 2021-ci ildə Ermənistandan Rusiyaya ixrac təxminən 840 milyon təşkil edib, 2023-cü ildə isə 76% artaraq 3,5 milyard dollara çatıb. Qazaxıstanın Rusiyaya tədarükü 2021-ci ildə 7 milyard dollara olub, 2023-cü ildə isə 31,2% artaraq 10,2 milyard dollara çatıb. Qırğızıstanın Rusiyaya ixracı 2021-ci ildə təxminən 393 milyon dollar, 2023-cü ildə isə 52% artaraq təxminən 823 milyon dollar təşkil edib”, - məlumatda deyilir.