ABŞ Dövlət Departamenti Vaşinqton administrasiyasının Ukrayna ərazisindən Rusiyanın dərinliklərinə ATACMS taktiki ballistik raketləri ilə zərbələr endirməyə icazə verdiyi barədə məlumatı nə təsdiq, nə də təkzib edib.

Axar.az xəbər verir ki, bununla bağlı ABŞ Dövlət Departamentinin sözçüsü Metyu Miller jurnalistlər üçün keçirdiyi brifinqdə danışıb.

"Mən heç bir siyasət dəyişikliyi barədə danışmayacağam və təsdiqləməyəcəyəm", - Miller bildirib.

Qeyd edək ki, ABŞ, Fransa və Britaniyanın Ukraynaya təqdim etdikləri raketlərlə Rusiyanın dərinliklərinə zərbə endirilməsinə icazə verdiyi barədə məlumat yayılıb.