HƏMAS liderləri İsrailə mümkün güzəştləri, o cümlədən Filadelfiya dəhlizində İsrailin nəzarətini saxlamağı müzakirə edir.

Axar.az xəbər verir ki, bu barədə “Nyu York Tayms” məlumat yayıb.

“HƏMAS hesab edir ki, İsrail ondan tam təslim olmağı tələb edir, hərəkat hələ də buna razı deyil. Lakin bəzi hərəkat liderləri İsrailin müharibəni dayandırmaqda və Qəzzadan qoşunları çıxarmaqda maraqlı olduğu təqdirdə edə biləcəkləri mümkün güzəştləri müzakirə edirlər. HƏMAS rəhbərliyində müzakirə edilən təkliflərdən biri İsrailə Misir və Qəzza arasındakı sərhəd bölgəsində heç olmasa müvəqqəti olaraq mövcudluğunu saxlamağa imkan verəcək. HƏMAS rəsmiləri Filadelfiya dəhlizi kimi tanınan əraziyə İsrailin uzunmüddətli nəzarətini açıq şəkildə rədd edir”, - məlumatda deyilir.