Vladimir Putinin Suriyada olan 4 min İran hərbçisinin Rusiya tərəfindən təxliyə edilməsi barədəki çıxışı həqiqəti əks etdirmir.

Axar.az xəbər verir ki, bunu SEPAH komandiri və İran parlamentinin Milli Təhlükəsizlik Komissiyasının üzvü İsmayıl Kövsəri deyib.

“İran öz qüvvələrinin Rusiya tərəfindən köçürülməsinə imkan verməz, Rusiya Suriyada müşavir kimi işləyən Livan, Əfqanıstan və digər ölkələrin bir sıra vətəndaşlarını Tehrana köçürüb", - Kövsəri bildirib.

SEPAH-ın "Xatəm əl-Ənbiya" qərargahının komandir müavini Məhəmməd Cəfər Əsədi də verdiyi açıqlamasında Rusiyanın yalnız əfqanıstanlıları Suriyadan İrana köçürdüyünü vurğulayıb.

Qeyd edək ki, dekabrın 19-da keçirdiyi illik mətbuat konfransında Prezident Vladimir Putin Rusiyanın İranın 4 min döyüşçünü Suriyadan təxliyə etdiyini demişdi.