Braziliya BRİKS-ə sədrliyi çərçivəsində istifadə olunacaq loqonu təqdim edib.

Axar.az Teleqraf.com-a istinadla xəbər verir ki, bu barədə Braziliya hökuməti bəyanat yayıb.

Loqoda Amazon tropik meşələrində bitən sumauma pambıq ağacı əksini tapacaq. Loqo mavi fonda çoxrəngli ağacdır. Braziliya bayrağının rənglərinə əsaslanan ağacın rəng sxeminə qırmızı, yaşıl, mavi, sarı və narıncı daxildir.

Loqo təbiətdə hündürlüyü 60 metrə, eni isə iki metrə çata bilən pambıq ağacının xüsusiyyətlərini təsvir edir. Qeyd olunur ki, loqo diplomatiyanın və BRİKS-in sosial-iqtisadi və siyasi əzəmətini çatdırmaq məqsədi daşıyır.