Moldova parlamenti uzun müzakirələrdən sonra növbəti 10 il üçün Milli Müdafiə Strategiyasını təsdiqləyib.

Axar.az xəbər verir ki, bu barədə “Newsmaker” məlumat yayıb.

Məlumata görə, sənəddə Rusiya əsas təhlükə amili kimi müəyyən edilib:

“Sənəddə göstərilir ki, Moldovanın milli təhlükəsizliyinə əsas təhdidlər Rusiya faktoru ilə bağlı olan hadisələrdir: Ukraynadakı müharibə və qonşu Odessa vilayətinin ərazisində müharibənin genişləndirilməsi riskləri, Rusiyanın hibrid hücumları, Rusiyanın tanınmamış Dnestryanı bölgəsində yerləşən hərbi birləşmələri və tanınmamış Dnestryanının hərbi birləşmələri. Bu təhlükələr ölkə üçün ekzistensial təhlükə kimi müəyyən edilir”.

Müdafiə qabiliyyətinin gücləndirilməsi üçün müdafiə xərclərinin maliyyələşdirilməsinin və hərbi bazaların sayının artırılması, hərbi təhsilin təkmilləşdirilməsi təklif edilir.