Danimarka hökuməti ABŞ-ın yeni administrasiyası ilə Arktika əraziləri üzrə dialoqa hazır olduğunu təsdiqləyib.

Axar.az xəbər verir ki, bunu Danimarka xarici işlər naziri Lars Lyokke Rasmussen deyib.

“Amerikalıların Arktikada təhlükəsizlik vəziyyəti ilə bağlı müəyyən narahatlıqları var ki, bunu Danimarka tərəfi də bölüşür. Buna görə də Danimarka Qrenlandiya ilə sıx əməkdaşlıq edərək, Amerika tərəfinin qanuni maraqlarını təmin etmək üçün ABŞ-ın yeni seçilmiş Prezidenti Donald Trampla danışıqları davam etdirməyə hazırdır”, - Rasmussen bildirib.

Qeyd edək ki, bir neçə gün öncə Donald Tramp Çin və Rusiya təhdidindən qorunmaq üçün Qrenlandiyanın ABŞ-ın tərkibinə daxil edilməli olduğunu bildirmişdi.