16:41

Rusiya və İran prezidentləri Vladimir Putin və Məsud Pezeşkian arasında görüş başlayıb.

Axar.az xəbər verir ki, bu barədə "Azad İran" Teleqram kanalı məlumat yayıb.

Rusiya Prezidenti Vladimir Putin görüş zamanı bildirib ki, İran və Rusiya arasında hərtərəfli strateji əməkdaşlıq sazişinin imzalanması M.Pezeşkian və nümayəndə heyətinin Moskvaya səfərinin əsas məqsədlərindəndir.

"Biz Hərtərəfli Strateji Tərəfdaşlıq haqqında Müqavilə imzalayacağıq. Çoxdandır ki, bu sənədin üzərində işləyirdik. Çox şadam ki, bunu bitirdik. Əminəm ki, bu sənəd bizim ticarət-iqtisadi münasibətlərimizə müsbət təsir edəcək", - deyə V.Putin qeyd edib.

***

Qərbin artan təzyiqləri fonunda Rusiya və İran strateji tərəfdaşlıq sazişi imzalayıblar.

Bu barədə İranın Moskvadakı səfiri Kazım Cəlali deyib.

Onun sözlərinə görə, sənəd ikitərəfli əməkdaşlığın bütün sahələrini əhatə edir.