İrəvanın mərkəzi meydanında 30 yanvar 2024-cü ildə Güney azərbaycanlıların oxuduğu “Qarabağ” mahnısını çəkib yaydığına görə saxlanılan Qərib Babayana görə ermənilər Şimal-Cənub magistral yolunu bağlayıblar.

Axar.az xəbər verir ki, bu barədə erməni mediası yazıb.

Bildirilib ki, hazırda məhkəmənin həyətinə vətəndaşlar və müxalifətçi deputatlar toplaşıb. Arxiyepiskop Baqrat Qalstanyan da oradadır. Qəzəblənən vətəndaşlar səs siqnalları ilə narazılıqlarını bildirirlər.

Qeyd edək ki, Qərib Babayan Respublika meydanında Azərbaycan dilində “Qarabağ” mahnısını oxuyanların yer aldığı videonu yaydığına görə saxlanılıb. Hazırda məhkəmə onun həbsi ilə bağlı məsələyə baxır.

Mahnını ifa edənlərdən biri – Milad Vahidi isə guya 31 yanvarda İrəvanda avtobusda “ictimai asayişi pozması” adı ilə şərləyib həbs ediblər.