Bakıdakı Rus Evinin bağlanması üçüncü tərəf üçün faydalı olacaq.

Axar.az xəbər verir ki, bunu Bakıdakı Rus Evinin rəhbəri İrek Zinnurov RT-yə müsahibəsində deyib.

“Bu hadisə həm Azərbaycan, həm də Rusiya tərəfi üçün kədərlidir. Başqası isə kənarda oturub əllərini bir-birinə sürtüb, buna sevinir. Bu üçüncü tərəf hazırki məqamdan istifadə edir və sanki atəşə mümkün qədər çox barıt qatmağa çalışır”, - o bildirib.

Zinnurov qeyd edib ki, Böyük Vətən müharibəsində qələbənin 80 illiyinə həsr olunmuş tədbirlərin 2025-ci ildə keçirilməsi nəzərdə tutulub:

“Bu il bütün MDB ölkələrində qeyd etdiyimiz ümumi qələbəmiz olan Böyük Vətən müharibəsində qələbənin 80 illiyinə həsr olunmuş olimpiada keçirilməli idi. Bu qələbədə Azərbaycanın töhfəsini də vurğuladıq. Hər şey razılaşdırıldı və hər şey məhv oldu”.

Qeyd edək ki, Bakıdakı Rus Evi fəaliyyətini dayandırıb.