Türkiyədə həbs olunan Zəfər Partiyasının sədri Ümid Özdağa qarşı yeni ittiham aktı hazırlanıb.

Axar.az xəbər verir ki, məlumatı Türkiyə mediası yayıb.

Ankara Prokurorluğu tərəfindən hazırlanan ittiham aktında Ü.Özdağın millət vəkili olduğu dövrdə TBMM-nin 27-ci çağırışının HDP-nin İstanbul üzrə deputatı Əli Kənanoğlunu təhqir etdiyi bildirilib.

Prokurorluq partiya sədrinin “vəzifəsinə görə bir dövlət məmurunu təhqir etdiyi” ittihamı ilə cəzalandırılmasını tələb edib.

M.Özdağ nə demişdi?

“Əli əfəndi, inanın heç bir problem yoxdur. Biz imperializm itlərinin “əyilməyən” boyunlarını qırmışıq və qıracağıq. HDP yunan və ya bolqar irqçi partiyalarından daha çox Türkiyə əleyhinə olan bir quruluşdur. Onun yüksək səviyyəli rəhbərlərinin əksəriyyəti erməni əsillidir. O, düşməndir və onunla belə davranmaq lazımdır”.