Parisdə keçirilən sammitdə Avropa liderləri arasında kəskin fikir ayrılıqları yaranıb. AB ölkələrinin nümayəndələri Ukraynaya qoşun göndərmək barədə razılığa gələ bilməyib.

Axar.az xəbər verir ki, bu barədə “Faynənşl Tayms” məlumat yayıb.

“Donald Trampın Rusiya ilə sülh danışıqlarına necə reaksiya veriləcəyi ilə bağlı konsensusa nail olmaq məqsədi daşıyan böhranlı toplantıda Avropa ölkələri Ukraynaya qoşun göndərmək üstündə razılığa gələ bilməyib”, - məlumatda deyilir.

Qeyd olunur ki, Almaniya, İtaliya, Polşa və İspaniya öz hərbi kontingentini Ukraynaya göndərmək istəmədiyini bildirib:

“Böyük Britaniyada isə əksinə, qoşunların göndərilməsini dəstəkləyiblər. Fransaya gəlincə, onlar atəşkəsdən sonra təmas xəttindən xeyli kənarda yerləşəcək sülhməramlıların göndərilməsi ideyasını dəstəkləyib”.