Ukrayna Prezidenti Vladimir Zelenski 2025-ci ildə tammiqyaslı müharibədə ədalətli sülhə nail olmağı qarşısına məqsəd qoyur.

Axar.az xəbər verir ki, bunu Ukrayna xarici işlər naziri Andrey Sibiqa deyib.

Onun sözlərinə görə, Ukraynanın bu il müharibəni bitirmək şansı var:

“Bu çətin və keşməkeşli dövrdə şans var. Biz tərəfdaşlarımıza deyirik ki, bu gün diplomatik təhlükəsizlik kəmərlərimizi bağlamaq vaxtıdır. Emosiyalara təslim olmamalıyıq. Ukrayna prezidentinin qarşıya vəzifə qoyduğu kimi, bu il ədalətli sülhə nail olmaq və bu müharibəyə son qoymaq məqsədilə diplomatik xidmət maksimum səfərbər edilməlidir”.