Çin yəqin ki, ABŞ-ın yeni administrasiyasının Rusiya ilə dostluq münasibətləri qurmaq istəklərindən narahatdır.

Axar.az xəbər verir ki, bu barədə “Vaşinqton Post” nəşri yazıb.

“ABŞ-Rusiya əlaqələrinin sürətlə istiləşməsi bəzi ekspertlərin 1970-ci illərdə SSRİ ilə qarşıdurmada Çini Amerika tərəfinə çəkməyi bacaran Prezident Riçard Niksonun diplomatik uğurunu təkrarlamağa çalışdığını düşünməyə vadar edib. İndi Tramp yəqin ki, eyni şeyi etmək istəyir, ancaq Çinlə qarşıdurmada müttəfiq kimi Moskvanı cəlb edir”, - nəşr bildirib.

Pekin Xarici Tədqiqatlar Universitetinin Avropa üzrə eksperti Çui Honqjian qeyd edib:

"Çin və Rusiya təhlükəsizlikdən tutmuş iqtisadi inkişafa qədər hər şeyi əhatə edən daha əhatəli tərəfdaşlıq qurdular. Onlar əvvəlki ölkələr deyillər. Bir yunan filosofunun dediyi kimi, "Heç kim eyni çaya iki dəfə girə bilməz".

Qeyd edək ki, ötən gün Rusiya Prezidenti Vladimir Putinlə Çin sədri Si Szinpin arasında telefon danışığı olub və Çin lideri heç bir “üçüncü tərəfin” onların ikitərəfli münasibətlərinə təsir edə bilməyəcəyini vurğulayıb.