ABŞ Prezidenti Donald Trampın 24 fevralda Fransa lideri Emmanuel Makronla Ağ Evdə görüşünü əks etdirən kadrlar Britaniya Baş naziri Keyr Starmerin 27 fevralda Ağ Evə gəlişini əks etdirən görüntülər fonunda yenidən gündəmə gəlib.

Axar.az xəbər verir ki, ötən gün Ağ Evə gələn Starmeri Tramp iqamətgahının qapısı önündə qarşılayıb və ona xüsusi münasibət göstərib.

Trampın analoji, daha isti münasibəti isə İsrail Baş naziri Benyamin Netanyahuya göstərdiyi də xatırladılıb. Belə ki, 5 fevralda Netanyahu Ağ Evə gələrkən Tramp onu da iqamətgahı önündə qarşılamış, görüş otağında isə hətta Netanyahunun əyləşdiyi stulu şəxsən özü çəkmişdi.

Qeyd edək ki, 24 fevralda Ağ Evə gələn Makronu Tramp deyil, mətbuat katibi Karolina Levitt qarşılamışdı.