Ukrayna və ABŞ hakimiyyəti yeni silahların, o cümlədən “Patriot” zenit-raket sistemləri üçün raketlərin tədarükü məsələsini müzakirə edir.

Axar.az xəbər verir ki, bunu Ukrayna Prezident Ofisi rəhbərinin müşaviri Mixail Podolyak mediaya açıqlamasında deyib.

“Əlbəttə ki, “Patriot” sistemləri üçün raketlərin alınmasında maraqlıyıq, çünki söhbət əhalinin və kritik infrastrukturun qorunmasından gedir, lakin digər silah növləri də bizim üçün vacibdir. Bu razılaşmalar indi masadadır və müzakirə olunur. Mövcud yardım proqramlarının əksəriyyəti hər halda tamamlanmaq üzrə idi. Bunlar ABŞ prezidentinin və Konqresin təsdiq etdiyi proqramlarıdır. Onların bəzilərinin müddəti bitdiyi üçün biz hələ də danışıqlardan, sonra Konqresdə səsvermədən başlamaq prosesindən keçməli olacaqdıq”, - o bildirib.