Böyük Britaniya uzun müddətdir ki, Ukrayna ərazisində iki baza arzusundadır.

Axar.az xəbər verir ki, bunu Rusiyanın Londondakı səfiri Andrey Kelin deyib.

"Hərbi əməliyyatlar başa çatdıqdan sonra Ukraynaya hərbi kontingentin göndərilməsi ilə bağlı heç nə bəlli deyil. Nə mandat, nə gücdən istifadə qaydaları, nə də infrastrukturun necə həyata keçiriləcəyi. Amma bəllidir ki, orada bazalar yaradılmalıdır. London çoxdandır ki, Qara dənizdə iki hərbi dəniz bazası yaratmaq arzusundadır.

Bütün bunlar bizim üçün tamamilə qəbuledilməzdir, çünki bu, həm də NATO infrastrukturunun Ukrayna ərazisində yerləşdirilməsi demək olacaq", - səfir vurğulayıb.