ABŞ Qrenlandiyaya yeni iş yerləri yaratmaq və onun rifahını yaxşılaşdırmaq üçün milyardlarla dollar sərmayə qoymağa hazırdır.

Axar.az xəbər verir ki, bunu ABŞ Prezidenti Donald Tramp özünün “Truth Social” səhifəsində yazıb.

“Konqresin birgə iclasındakı çıxışımda açıqladığım kimi, ABŞ Qrenlandiya xalqının öz gələcəyini təyin etmək hüququnu qətiyyətlə dəstəkləyir. İkinci Dünya müharibəsindən bəri etdiyimiz kimi, sizi qorumağa davam edəcəyik. Biz yeni iş yerləri yaratmaq və sizi zənginləşdirmək üçün milyardlarla dollar sərmayə qoymağa hazırıq və seçsəniz, sizi dünyanın ən böyük ölkəsi - Amerika Birləşmiş Ştatlarının bir hissəsi olmağa dəvət edirik!”, - Tramp bildirib.