Təbrizin Tibb Elmləri Universitetinə bağlı xəstəxanalar, klinikalar və təlim mərkəzlərinin işçiləri etiraz aksiyası keçiriblər.

Axar.az xəbər verir ki, bu barədə universitetin nümayəndəsi Hüseyn Abdullahi məlumat yayıb.

O, işçilərin hüquqlarının pozulmasına və 10 aydır əmək haqlarının ödənilməməsinə görə aksiyaya əl atdıqlarını deyib.

Məlumata görə, ən geniş aksiya Təbrizin İmam Rza xəstəxanasında olub. Xəstəxana işçilərinin işi dayandırması problemlər yaradıb, xəstə yaxınları ilə xəstəxana rəhbərliyi arasında qarşıdurmalar yaranıb.

Təbrizin Tibb Elmləri Universitetinin rektoru Əhmədrza Cövdət etirazçı işçiləri günahlandırıb, onların barəsində ölçü götürülməsini istəyib.