Filippinin sabiq prezidenti, 2016-2022-ci illərdə ölkəyə rəhbərlik etmiş Rodriqo Duterte Beynəlxalq Cinayət Məhkəməsinin orderi əsasında martın 11-də Manila hava limanında saxlanılıb.

Axar.az xəbər verir ki, bu barədə Filippin hakimiyyətinin bəyanatında deyilir.

Bildirilir ki, polis Duterteni narkotiklərlə mübarizə zamanı insanlığa qarşı törətdiyi cinayətləri araşdıran BCM-nin orderi əsasında nəzarətə götürüb. 79 yaşlı Rodriqo Dutertenin səhhətinin yaxşı olduğu vurğulanıb.

Qeyd edək ki, Dutertenin həbsindən sonra harada saxlandığı və ya BCM-ə təhvil verilməsi üçün nə vaxt Avropaya aparılacağı hələlik bəlli deyil.