15:23

ABŞ ordusu İran Hərbi Dəniz Qüvvələrinə məxsus "Zaqros" hərbi gəmisini Qırmızı dənizdə vuraraq batırıb.

Axar.az xəbər verir ki, bu barədə Səudiyyə Ərəbistanının "Əlhəds" telekanalı məlumat yayıb.

"Siqnal kəşfiyyatının (SIGINT) toplanması üzrə ixtisaslaşan bu gəmi İran Hərbi Dəniz Qüvvələrinin ən qabaqcıl gəmisidir və eyni zamanda kəşfiyyat məlumatlarının toplanması üçün İranın ilk kəşfiyyat gəmisi kimi dizayn edilib", - məlumatda bildirilib.

İran Hərbi Dəniz Qüvvələri isə məlumatı təkzib edib.

Bildirilib ki, vurulduğu iddia edilən gəmi hazırda Fars körfəzindədir.

Qeyd edək ki, ötən gün Ağ Ev İranın hərbi gəmilərinin Yəmənin Husi üsyançılarına kəşfiyyat materiallarını ötürdüyünü bildirib və buna görə də İranın hərbi obyektlərinin ABŞ ordusu üçün hədəf olduğu barədə xəbərdarlıq edib.