Cənubi Kiprdə “İnqilabçı Azadlıq Mübarizəçiləri Hərəkatı” adlı yeni terror təşkilatı yaradılıb.

Axar.az xəbər verir ki, bu barədə Türkiyə mətbuatı məlumat yayıb.

Təşkilat Türkiyəyə qarşı fəaliyyət göstərəcəyini açıqlayıb və Kipri ​​türklərdən təmizləmək üçün müharibəyə başlayacağını bəyan edib.

Terror təşkilatı Türkiyəyə qarşı silahlı mübarizə aparacağını bildirib.

Təşkilatın yunanların Osmanlıya qarşı üsyanının simvolu olan “Atəş və Balta”dan simvol kimi istifadə etdiyi diqqət çəkib. Terror təşkilatı Kipr torpaqlarının Türkiyə tərəfindən “işğal edildiyi” kimi qalmaqallı təbliğat apararaq, tərəfdarlar toplamağa çalışır.

Qeyd edək ki, terror təşkilatı ilk dəfə 2024-cü ilin iyulunda elan edilib.