Rusiya-Ermənistan tərəfdaşlığını zəiflətməyə yönəlmiş xarici səylərə baxmayaraq, xarici siyasətdə intensiv siyasi dialoqu və koordinasiyanı qoruyub saxlamağa, eləcə də həm ikitərəfli əsasda, həm də birgə inteqrasiya layihələri çərçivəsində ticarət-iqtisadi əməkdaşlığı genişləndirməyə nail olduq.

Axar.az xəbər verir ki, bunu Rusiyanın xarici işlər naziri Sergey Lavrov erməni həmkarı Ararat Mirzoyana təbrik məktubunda deyib.

Lavrov qeyd edib ki, Rusiya tərəfdaşlığın daha da dərinləşdirilməsi və səmərəliliyinin artırılması üçün birgə işi davam etdirməyə hazırdır.

Öz növbəsində Ermənistan xarici işlər naziri Ararat Mirzoyan Sergey Lavrova təbrik məktubunda İrəvan və Moskva arasında tərəfdaşlığın davam etdirilməsinin vacibliyini vurğulayıb.