İran ABŞ-la Omanda keçiriləcək danışıqlarda müvəqqəti nüvə sazişi təklif edə bilər.

Axar.az xəbər verir ki, bu barədə “Axios” mənbələrə istinadən məlumat yayıb.

Məlumata görə, İran rəsmiləri iki ay ərzində texniki cəhətdən mürəkkəb hərtərəfli saziş üzrə razılığa gəlməyin real olmadığını düşünür və gərginliyin qarşısını almaq üçün daha çox vaxt istəyir:

“Müvəqqəti razılaşma Tehranın uranın zənginləşdirilməsi işlərinin bir hissəsinin dayandırılmasını, 60% zənginləşdirilmiş uran ehtiyatının azaldılmasını və BMT müfəttişlərinə ölkənin nüvə obyektlərinə daha çox girişin verilməsini əhatə edə bilər”.

Qeyd edək ki, ABŞ və İran rəsmiləri arasında Omanda görüşün sabah keçiriləcəyi gözlənilir.