Artıq türk dünyasının birliyi yoxdur. Səmərqənddə Türkdilli Dövlətlər Təşkilatına üzv olan üç Mərkəzi Asiya ölkəsi Şimali Kiprin legitimliyini tanımaqdan imtina etdi və bu da sondur.

Axar.az xəbər verir ki, bu sözləri rusiyalı politoloq, ermənipərəst Stanislav Tarasov Qazaxıstan, Özbəkistan, Qırğızıstan və Türkmənistanın (Türkmənistan TDT-nin üzvü deyil) Yunan Kiprində səfirlik açması və adanın “bütövlüyünü” tanıması ilə bağlı yeni siyasi şəraiti şərh edərkən deyib.

Qeyd edək ki, AB-nin Orta Asiya ölkələri ilə Səmərqənddə iclası keçirilib. İclasın nəticəsi olaraq Orta Asiyaya 12 milyard avro investisiya vəd edən anlaşmaya imza atan türk ölkələri dolayısı ilə Türkiyənin Kiprin şimalını “işğal etməsini” təsdiqləyiblər.