Livanın cənubunda müqavimət qüvvələrinin tərk-silah edilməsinə icazə verməyəcəyik.

Axar.az xəbər verir ki, bu sözləri Hizbullah baş katibi Naim Qasım deyib.

"Biz heç kimə döyüşçülərimizin silahlarını götürməsinə icazə verməyəcəyik və zorla buna cəhd olarsa, cavab verəcəyik. Vətəndaş qarşıdurmasına yol verməyəcəyik. Hizbullahın silahlarının zorakılıqla alınmasını tələb edənlər İsrailə “pulsuz xidmət” göstərirlər. Livan ordusu ilə müqavimət qüvvələri arasında heç bir münaqişə olmayacaq”, - deyə o bildirib.

Qeyd edək ki, aprelin 7-də Prezidenti Cozef Aun Hizbullah adından vasitəçi kimi çıxış edən parlamentin sədri Nəbih Berri ilə görüşüb. O, müqavimət qüvvələrinin silahlarının taleyi məsələsinin yeni hökumətin milli təhlükəsizlik strategiyasını hazırlamasından dərhal sonra başlayacaq müdafiə doktrinasına dair dialoq çərçivəsində həll olunacağını açıqlayıb.