Kanadada bir liseyin 12-ci sinif şagirdlərinə verilən “Bir diktator seç və onu tanıt” mövzulu tapşırıqda Mustafa Kamal Atatürkün də adının siyahıya daxil edilməsi qalmaqala səbəb olub.

Axar.az xəbər verir ki, bu barədə Türkiyə mediası məlumat yayıb.

Qeyd olunub ki, Atatürkün adı Benito Mussolini və Saddam Hüseyn kimi diktatorlarla eyni siyahıda yer alıb.

Hadisə Türkiyənin Kanadadakı səfirliyini hərəkətə keçirib. Səfir Can Dizdar məsələ ilə bağlı açıqlamasında Atatürkə qarşı belə bir münasibətin qəbuledilməz olduğunu bildirib və bu səhvin düzəldilməsi üçün addımlar atılacağını vurğulayıb.

Dizdar Kanadadakı türk icmasının hadisəyə göstərdiyi reaksiya və şagirdin ailəsinin həssaslığına görə təşəkkür edib.