Bölgədə aparılan bütün elmi araşdırmalar göstərdi ki, 6,2 bal gücündə zəlzələnin baş verdiyi Kumburqaz seqmentində 7 baldan yuxarı zəlzələlər potensialı var.

Axar.az xəbər verir ki, bunu türkiyəli seysmoloq Bülənd Özmən ötən gün İstanbulda baş verən 6,2 ballıq zəlzələ ilə bağlı danışarkən deyib.

“Bu səbəbdən 6,2 bal gücündə zəlzələ oldu, artıq 7 baldan çox olmayacağını deyə bilmərik. Çünki 7,2 bal gücündə zəlzələnin enerjisinin sərbəst buraxılması üçün 6,2 bal gücündə zəlzələdən 31 dəfə baş verməlidir. Zamanı düşünmədən, zəlzələ təhlükəsinin yüksək olduğunu bilə-bilə, zəlzələ riskini azaltmaq üçün İstanbulu və bütün Mərmərə bölgəsini zəlzələyə davamlı etməliyik. Bilirik ki, böyük zəlzələ Mərmərə dənizində baş verəcək və təkcə İstanbulu deyil, Yalova və Kocaeli də daxil olmaqla, bütün Mərmərə bölgəsinə təsir edəcək”, - seymoloq əlavə edib.