İran Prezidenti Məsud Pezeşkian Hindistan və Pakistanın baş nazirləri Narendra Modi və Şahbaz Şərif ilə danışıqlar aparıb.

Axar.az Teleqraf-a istinadən xəbər verir ki, Pezeşkian Hindistanda törədilən terror aktı ilə bağlı ölkənin hökuməti və xalqına başsağlığı verib.

O, Hindistanın prezidenti ilə danışığında terror aktını qətiyyətlə pisləyib.

Pezeşkian həmçinin terrorizmlə mübarizədə birliyin gücləndirilməsi üçün region ölkələri arasında əməkdaşlığın vacibliyini vurğulayıb.

İran prezidenti Pakistanın Baş naziri Şahbaz Şərifə bildirib ki, İran Pakistan və Hindistan arasında anlaşılmazlıqların aradan qaldırılmasına kömək etməyə hazırdır.

“İran İslam Respublikası kimi biz də regionda sülh, sabitlik və uzunmüddətli təhlükəsizliyə böyük əhəmiyyət veririk”, - Pakistanın baş naziri bəyan edib.

“Son terror hadisələri terror bəlasına qarşı mübarizə aparmaq və terrorçu qrupların maliyyə və silah infrastrukturunu məhv etmək üçün genişləndirilmiş regional əməkdaşlığa ehtiyacı ikiqat artırır. Biz bütün səylərimizi regionda sülh, təhlükəsizlik və əmin-amanlığın bərqərar olmasına yönəltməliyik", - İran prezidenti həmsöhbətlərinə deyib.

Qeyd edək ki, İranın Bəndər Abbas şəhərində Şəhid Rəcai limanında əsas ofisdə partlayış olub. Nəticədə xeyli sayda insan həlak olub və yaralanıb.