Ermənistan hökuməti sülhməramlı qüvvələrini Kosovadan çıxarmağı planlaşdırmır.

Axar.az xəbər verir ki, bu barədə Ermənistan Xarici İşlər Nazirliyindən bildirilib.

“Ermənistan beynəlxalq sülh gündəliyinə sadiqdir və bu, təkcə Cənubi Qafqaz regionuna deyil, bütün beynəlxalq ictimaiyyətə aiddir. Kosovada iştirak edən sülhməramlılarımız Balkan regionunda sabitliyin qorunması və gərginliyin azaldılmasına yönəlmiş beynəlxalq səylərə töhfə verir”, - məlumatda qeyd olunub.

Xatırladaq ki, Ermənistan sülhməramlı kontingenti BMT Təhlükəsizlik Şurasının 1244 saylı qətnaməsinə əsasən yaradılmış KFOR (Kosova Təhlükəsizlik Qüvvələri) qüvvələrinin tərkibində yer alır.