Gəmidə olan heyət və sərnişinlərin səhhəti yaxşıdır. Vətəndaşlarımızın təhlükəsiz yerə köçürülməsi üçün Maltanın səlahiyyətli orqanları ilə əməkdaşlıq çərçivəsində lazımi işlər aparılır.

Axar.az xəbər verir ki, bu sözləri Türkiyə Xarici İşlər Nazirliyinin (XİN) sözçüsü Önçü Keçel Qəzzanın blokadasını yarmaq istəyən “Azadlıq donanması” gəmisinə edilən hücumu şərh edərkən deyib.

O, hücumu qətiyyətlə pislədiyini bildirib:

“Hücumun detallarının ən qısa vaxtda üzə çıxarılması və günahkarların məsuliyyətə cəlb edilməsi üçün bütün lazımi addımlar atılacaq”.

Qeyd edək ki, İsrail “Azadlıq donanması” gəmisinə Qəzza sahillərində PUA ilə hücum edib.