Kanada ABŞ-a qoşulmağa qərar verərsə, Qızıl Qübbə raketdən müdafiə sistemi üçün ödənişdən azad olacaq.

Axar.az xəbər verir ki, bu barədə ABŞ Prezidenti Donald Tramp bəyan edib.

“Mən bizim gözəl Qızıl Qübbə sistemimizin bir hissəsi olmaq istəyən Kanadaya dedim ki, əgər onlar ayrı, lakin qeyri-bərabər bir millət olaraq qalsalar, bu onlara 61 milyard dollara başa gələcək. Bununla belə, arzu edilən 51-ci ştata çevrilsələr, bunun dəyəri sıfır dollar olacaq”, - Ağ Evin sahibi sosial şəbəkə hesabında yazıb.

Onun sözlərinə görə, Kanada bu təklifi nəzərdən keçirir.

Qeyd edək ki, mayın 20-də Tramp ABŞ-ın Qızıl Qübbə raketdən müdafiə sisteminin arxitekturası ilə bağlı qərar qəbul etdiyini açıqlayıb. O bildirib ki, sistemin yaradılmasına cəmi üç ildən az vaxt lazım olacaq. Vaşinqton administrasiyası bunun üçün təxminən 175 milyard dollar ayırmağı təklif edir.