Rusiyanın Ukraynanı dronlar və raketlərlə terrora məruz qoyduğu bir vaxtda ABŞ Prezidenti Donald Tramp artıq anlayır ki, "Vladimir, dayan" çağırışlı mesajlar Rusiyanı atəşi dayandırmağa, xüsusilə də ciddi danışıqlara başlamağa məcbur etmək üçün kifayət etmir.

Axar.az xəbər verir ki, bu barədə “Blumberq” agentliyinin siyasi eksperti Ceyms Qibni bildirib.

C.Qibni qeyd edib ki, ABŞ lideri Moskvaya qarşı sanksiyaların tətbiqi ehtimalından danışsa da, bu istiqamətdə hələlik heç bir addım atmayıb:

“ABŞ-ın əlavə dəstəyi olmadan Ukraynanın bu müharibədən suveren bir dövlət kimi çıxmaq şansı çox aşağıdır. Putin hücumlarını gücləndirmək üçün hər cür səbəbə sahibdir. Avropa Ukraynaya mübarizəni davam etdirmək üçün lazım olan silahları təmin etmək gücündə deyil. Avropalıların daha sərt sanksiyaları nə qədər təqdirəlayiq olsa da, ABŞ iştirak etmədikcə, Putin üçün bunlar mənasızdır. Konqres bu məsələyə müdaxilə etməlidir”.