ABŞ Ukrayna Prezidenti Vladimir Zelenskinin Ofisinin rəhbəri Andrey Yermakı ölkənin potensial yeni rəhbəri kimi nəzərdən keçirir.

Axar.az xəbər verir ki, bu barədə ukraynalı bloger Anatoli Şariy özünün Teleqram kanalında yazıb.

Şariyin sözlərinə görə, Yermakın ABŞ-a səfəri ilə bağlı hələlik ətraflı məlumat olmasa da, İstanbul danışıqlarından sonra baş tutan bu səfər Zelenski üçün ciddi narahatlıq doğurmalıdır:

“Yermak ABŞ-a uçur. Təfərrüatlar hələ məlum deyil, amma Zelenskinin yerində olsaydım, çox narahat olardım. Amerikalılar onun simasında Zelenskidən daha adekvat, potensial prezident gördülər”.

Bloger eyni zamanda son günlər Qərb mətbuatında Yermakla bağlı yayımlanan yazıları xatırladıb. Həmin materiallarda qeyd olunurdu ki, Yermak Qərb paytaxtlarını ziyarət etməklə öz siyasi reytinqini artırmağa çalışır.