Ukrayna bundan əvvəlki prezident Co Baydenin dövründə olduğu kimi ABŞ-dan yardım almayacaq.

Axar.az xəbər verir ki, bu sözləri Ukrayna Ali Radasının deputatı Oleq Dunda deyib.

"Biz artıq ABŞ-dan yardımı Baydendən aldığımız formada almayacağıq. Biz ona doğru gedirik ki, ən böyük maliyyə dəstəyi Avropadan gələcək. “Ramştayn”də verilən açıqlamalar da buna sübutdur", - deputat bildirib.

Onun fikrincə, ABŞ-Ukrayna münasibətləri çox güman ki, gələcəkdə kommersiya xarakterli olacaq, yəni Ukrayna imkan daxilində Avropa fondlarından və öz vəsaitlərindən istifadə etməklə ehtiyacı olan silahları ABŞ-dan ala biləcək və ABŞ administrasiyası buna mane olmayacaq.