Ukraynanın hüquq-mühafizə orqanları Dato Svan ləqəbli gürcü qanuni oğru David Qerlaniyə qarşı əməliyyat keçirib.

Axar.az xəbər verir ki, avtoritet iyunun 18-də Odessadakı restoranlardan birində saxlanılıb.

Onun üzərinə baxış zamanı David Çaçibaya adında Ukrayna pasportu tapılıb. Məhz bundan sonra o, sənəd saxtakarlığında ittiham olunaraq, ölkədən deportasiya edilib.

Ukrayna milli polisinin rəhbəri Xatiya Dekanoidze Dato Svanın artıq vətəninə çatdığını bildirib və Gürcüstanı onunla bağlı tədbir görməyə çağırıb.

Qeyd edək ki, Odessa vilayətinin qubernatoru Gürcüstanın keçmiş prezidenti Mixail Saakaşvilidir.