“Doğru vəd III” cavab əməliyyatı zamanı İrana hücumlar üçün buraxılış meydançası kimi istifadə edilən İsrailin üç hava bazası vurulub.

Axar.az xəbər verir ki, bu sözləri SEPAH komandanının baş müşaviri, briqada generalı Əhməd Vahidi mediaya açıqlamasında deyib.

O bildirib ki, İsrailin komanda mərkəzi və elektron döyüş mərkəzinin yerləşdiyi “Nevatim” və “Ovda”, Təl-Əviv yaxınlığındakı “Tel Nof” hava bazaları, İsrail Müdafiə Nazirliyi və onun Təl-Əvivdəki sənaye və hərbi mərkəzləri hədəf alınıb. Ümumilikdə 150-dən çox hədəf vurulub.

General İsrailin İrana hücumda ciddi səhv hesablamalara yol verdiyini deyib və israilliləri nəticələrə hazır olması barədə xəbərdarlıq edib.