İranın Londondakı səfirliyinin binasının eyvanındakı bayraq inqilabdan əvvəlki İran bayrağı ilə əvəz edilib.

Axar.az xəbər verir ki, bu barədə “Skay Nyus” məlumat yayıb.

Məlumata görə, hadisə səfirlik qarşısında keçirilən etiraz aksiyası zamanı baş verib.

Bildirilir ki, polis əməkdaşları səfirliyin ərazisinə daxil olan və İran bayrağını endirən şəxsə müdaxilə etməyiblər. London polisinin mərkəzi idarəsi insidentin baş verdiyini təsdiqləyib.

“İran səfirliyinin yaxınlığında keçirilən etiraz aksiyası ilə bağlı məlumatlıyıq. Aksiya zamanı bir etirazçının binanın eyvanına qalxdığı müşahidə olunub. Polis əməkdaşları hadisə yerindədir. Asayişin pozulmasının qarşısını almaq üçün əlavə qüvvələr cəlb edilib”, - idarədən qeyd edilib.